N.B. Abbreviations are those used in the Oxford Latin Dictionary.
 
 

Author and Opus	Year to which author refers
AUGUST. C.D. 3.12	291 B.C.

Aesculapius ... ab Epidauro ambivit Romam, ut peritissimus medicus in Urbe nobilissima artem gloriosius exerceret.
 
 

Author and Opus	Year to which author refers
V. MAX. 1.8.2	293/91 B.C.

Triennio continuo vexata pestilentia civitas nostra, cum finem tanti et tam diutini mali neque divina misericordia neque humano auxilio inponi videret, cura sacerdotum inspectis Sibyllinis libris animadvertit non aliter pristinam recuperari salubritatem posse quam si ab Epidauro Aesculapius esset accersitus. itaque eo legatis missis unicam fatalis remedii opem auctoritate sua, quae iam in terris erat amplissima, impetraturam se credidit. neque eam opinio decepit: pari namque studio petitum ac promissum est praesidium, e vestigioque Epidauri Romanorum legatos in templum Aesculapii, quod ab eorum urbe quinque milia passuum distat, perductos ut, quidquid inde salubre patriae laturos se existimassent, pro suo iure sumerent benignissime invitaverunt. quorum tam promptam indulgentiam numen ipsius dei subsecutum verba mortalium caelesti obsequio comprobavit: siquidem is anguis, quem Epidauri raro, sed numquam sine magno ipsorum bono visum in modum Aesculapii venerati fuerant, per urbis celeberrimas patres mitibus oculis et leni tractu labi coepit, triduoque inter religiosam omnium admirationem conspectus haud dubiam prae se adpetitae clarioris sedis alacritatem ferens, ad triremem Romanam perrexit, paventibusque inusitato spectaculo nautis eo conscendit, ubi Q. Ogulni legati tabernaculum erat, inque multiplicem orbem per summam quitem est convolutus. tum legati perinde atque exoptatae rei compotes, expleta gratiarum actione cultuque anguis a peritis excepto laeti inde solverunt, ac prosperam emensi navigationem postquam Antium appulerunt, anguis, qui ubique in navigio remanserat, prolapsus in vestibulo aedis Aesculapii murto frequentibus ramis diffusae superimminentem excelsae altitudinis palmam circumdedit, perque tres dies, positis quibus vesci solebat, non sine magno metu legatorum ne inde in triremem reverti nollet, Antiensis templi hospitio usus, Urbi se nostrae advehendum restituit, atque in ripam Tiberis egressis legatis in insulam, ubi templum dicatum est tranavit adventuque suo tempestatem, cui remedio quaesitus erat, dispulit.
 
 

Author and Opus	Year to which author refers
LIV. 10.47.6-7	293 B.C.

Text in Perseus
Note that the Perseus site offers an English translation, as well as lexigraphical and morphological tools.

 

Author and Opus	Year to which author refers
LIV. Per. 11	293/91 B.C.

Cum pestilentia civitas laboraret, missi legati, ut Aesculapi signum Romam ab Epidauro transferrent, anguem, qui se in navem eorum contulerat, in quo ipsum numen esse constabat, deportaverunt; eoque in insulam Tiberis egresso eodem loco aedes Aesculapio constituta est.
 
 

Author and Opus	Year to which author refers
AUR. VICT. Vir. ill. 22.1	293/91 B.C.

Romani ob pestilentiam responso monente ad Aesculapium Epidauro arcessendum decem legatos principe Q. Ogulnio miserunt. qui cum eo venissent et simulacrum ingens mirarentur, anguis a sedibus eius elapsus venerabilis, non horribilis, per mediam urbem cum admiratione omnium ad navem Romanam perrexit et se in Ogulnii tabernaculo conspiravit. legati deum vehentes Antium pervecti, ubi per mollitiem maris anguis proximum Aesculapii fanum petiit et post paucos dies ad navem rediit; et cum adverso Tiberi subveheretur, in proximam insulam desiliuit, ubi templum ei constitutum, et pestilentia mira celeritate sedata est.
 

Author and Opus	Year to which author refers
FEST. 98

In insula Aesculapio facta aedes fuit, quod aegroti a medicis aqua maxime sustententur.
 
 

Author and Opus	Year to which author refers
PLINY N.H. 29.16

Comment: An odd distinction in attitudes towards theory and practice.
Non rem antiqui damnabant, sed artem, maxime vero quaestum esse manipretio vitae recusabant. ideo templum Aesculapii, etiam cum reciperetur is deus, extra Urbem fecisse.

 

Author and Opus	Year to which author refers
LIV. 41.22.2	174 B.C.

Legatos ab rege Perseo venisse iisque noctu senatum in aede Aesculapi datum esse.
 
 

Author and Opus	Year to which author refers
LIV. 43.4.7	170 B.C.

Comment: Sp. Lucretius the praetor decorates the Temple of Aesculapius with spoils brought back from Greece.
tabulis quoque pictis ex praeda fanum Aesculapii exornavit.

 

Author and Opus	Year to which author refers
VAR. L. 7.57

Comment: Decorations on the Temple of Aesculapius
Equites pictos vidi in Aesculapii aede vetere et ferentarios ascriptos.
 
 

Author and Opus	Year to which author refers
SUET. Aug. 59.1	23 B.C.

Comment: Senators place the statue of a physician near the Temple of Aesculapius
Medico Antonio Musae, cuius opera ex ancipiti morbo convaluerat, statuam aere conlato iuxta signum Aesculapii statuerunt.
 
 

Author and Opus	Year to which author refers
SUET. Cl. 25.2	41-54 A.D.

Comment: Claudius decrees that sick slaves who were brought to the Island of Aesculapius (i.e. Tiber Island) and who recovered should gain their freedom.
Cum quidam aegra et adfecta mancipia in insulam Aesculapii taedio medendi exponerent, omnes qui exponerentur liberos esse sanxit, nec redire in dicionem domini, si convaluissent; quod si quis necare quem mallet quam exponere, caedis crimine teneri.